На літню доволенку ся ріхтує 55% Словаків, што є ныйвысше чісло за послідніх пять років. Люди суть охочі тот рік мінути на доволенку і веце грошей. Выходить то з дослідженя, котру про фінанчну сполочность  Partners реалізувала аґентура Focus. Дослідженя указало, же 30% опрошеных людей планує быти в часі доволенкы на Словакії. Скоро дві третины (64%) Словаків піде до загранича, причім многы суть охочі і минути веце грошей як за послідні рокы. Половина опрошены респондентів, котры підуть на літню доволенку, планують заплатити за уквартельованя, транспорт і їдло до 1000 евр. Скоро 35% людей собі выділило келчік повязаный з доволенков од 1000 до 2000 евр. (TASR, Pkf)