Доплаткы за лїкы бы ся мали про дїти до шість років, доходцїв і тяжко здравотнї постигнутых зрушити. Інформовав о тім міністер здравотницьтва Марек Крайчі (OĽaNO) по рокованю влады СР, котре ся одбыло у середу. Одгадує,же таке опатріня буде мати фінанчный досяг у вышцї приближно 60 міліонів евр. Крайчі высвітлив,же хотять, жебы ся паціентам не підвышовали неумірно доплаткы за лїкы. Выбраны ґрупы бы мали мати лїкы без доплатку. ,,В тім припадї ся верне цїла сума, не буде там лем охранный ліміт 30 евр. В згодї з проґрамовым выголошінём влады будеме діскутовати, якым способом наставити тот сістем справодливіше,“ доповнив.

(TASR, Шутіова)