Словацька міністерка здравотництва Зузана Долінкова навщівила Прагу. З резортным партнером Властїмілом Валком роковала о діґіталізації здравотництва, лїковій політіцї ці сполупраці в области захранных здравотных служеб. Долінкова тыж навщівила пражскый шпыталь в Мотолї, де трасплантують плюца і словацькым паціентам. TASR o тім інформовав комунікачных одбор Міністерства здравотництва СР. Міністры ся веновали можностям діґіталного перепоїня здравотницькых і соціалных дат. ,,Діґіталізація нам отварять новы дверї ку злїпшіню додаваной здравотной старостливости і уможнюють ю ефектівно персоналізовати про паціента праві дякуючі спрацованым датам,“ увела Долінкова. Договорили ся на зряджіню робочой ґрупы меджі ЧР і СР, котра ся буде занимати наряджінями о европскім просторї про здравотны дата.

(TASR, Шутіова)