До словацькых міст в октобру зась выйдуть добровольници збіркы Днї незабудок. Єй вытяжок піде на актівіты на пiдпору душевного здравя, як і на ход Лінкы довіры Незабудка. Влони на нєй зазначіли веце як 11.000 говорів. В уліцях міст будуть мочі дарцёве приспіти од 4. до 8. октобра. Даровати мож і приспівком на конто або есемесков до конця того рока. TASR о тім інформовали з Ліґы за душевне здравя. ,, На лінцї довіры Незабудка суть ку діспозіції псіхіатры, псіхолоґове, соціалны робітници і лїчебны педаґоґове приготовлены слухати, не посуджовати, підпорити і глядати рїшіня на шыроку шкалу проблемів нонстоп сім дней в тыждню,“ увела директорка лінкы Моніка Мартінезова. Безплатность службы уможнює єй доступность і людём з горшов економічнов сітуаціёв.

(TASR, Шутіова)