Днесь  (8.08.) у віці 98 років в скорых ранных годинах помер в Римі кардінал Йозеф Томко. Быв посліднім жыючім словацькым кардіналом. Пресаґентуру TASR о тім інформувала  Пресова канцеларія Конфедерації єпіскопів Словеньска (TK KBS). Дальшы інформації о похороні в Римі і в Катедралі святой Алжбеты в Кошыцях, де буде похованый, дасть KBS в найближшім часі. Презідентка СР Зузана Чапутова к днешньому умертю кардінала выголосила, же “одходом кардінала Йозефа Томку тратиме чоловіка, котрый фурт памятав на Словакію і єй інтересы, котрый помагав множеству людей утікаючіх перед комуністичным режімом і котрый нам до послідніх мінут свого наповненого жывота додавав оптімізмус і надію, же зо вшыткыма крізами собі даме рады.“ (TASR, Pkf)