Депутаты Народной рады Словацькой републікы за KDH передали у віторок пропозіцію на скликаня міморядного засіданя парламенту, на котрім хотять одкликати Любоша Благу із партії Smer-SD з посады підпредседы парламенту. На поданя пропозіції ся депутатам подарило вызберати 40 підписів. Депутаты за KDH пропозіційов реаґують на відео, в котрім Блага у своїй канцеларії зняв портрет презіденткы Зузаны Чапутовой і одсторонив прапор Европской унії. KDH твердить, же справованя підпредседы парламенту є дегонестуюче. Крітікує так само, же портрет презіденткы вычеряв Блага за портрет загранічного представителя найрадікалнішого комуністічного крыла Че Ґевары.

(Медвідь, TASR)