Културна, обсягова і інформачна плураліта медій бы могла быти частьов слободы прояву і права на інформації. Выходить то з новелы Конштітуції СР, котру депутаты Народной рады Словацькой републікы посунули у віторок до другого чітаня. Передложыв єй шеф парламентного Конштітучноправного выбору Мілан Ветрак. Ветрак так само пропоновав, жебы до Конштітуції доповнило ся установліня, же медіална сістема СР є основана на дуалній сістемі высыланя верейноправных і пріватных медій, і на плураліті іншых медій. В Конштітуції бы подля новелы мало быти і установліня, же верейноправный высылатель є фінанцованый передовшыткым з публічных средств в сумі, яка одповідать найменше 0,15 процентам з грубого домашнього продукту „выраженого в звычайных цінах за календарьный рік, котрый два рокы опередить односный календарьный рік.“ Новелізація Конштітуції бы могла быти чінна дньом выголошіня.

(Медвідь, TASR)