Депутаты Народной рады з партії Za ľudí коло Марії Коликовой кінчать в партії і в депутатьскім клубі. Одходять до клубу SaS. Клуб партії Za ľudí ся тым розпаде, кедьже в нім не буде доста депутатів на його далше фунґованя. Передседа лібералів Ріхард Сулік декларовав інтерес утримати владну коаліцію і то, же SaS не буде мати претензії на далшы функції в рамках коаліції. Єдинов пожадавков є, жебы Коликова зістала у функції міністеркы справедливости. До клубу SaS одходять депутаты Владимір Ледецькый, Марек Гаттас, Томаш Леготьскый, Владиміра Марцінкова, Михал Луціак і Ян Бенчік. Вєдно з нима будуть з Коликовой платформов співпрацовати бывшы державны секретарі за партію Za ľudí Марек Антал і Зузана Куманова. Подля председничкы Веронікы Ремішовой є одход Коликовой платформы зрадов партії і вшыткых членів.

(Медвідь, ТASR)