Депутатів Народной рады Словацькой републікы чекать на актуалнім – остатнім тогорічнім, засіданю іщі коло 20 пропозіцій законів і вольба члена Судной рады Словацькой републікы, котра дакілько місяців трапила коаліцію. В середу парламент одголосує пропозіцію державного розрахунку. Вырішыти має і о піднятю приплатків за ночну і святочну роботу, як і о запроваджіню приплатку за роботу через вікенд. Приплаткы суть частьов новелы Законника роботы, котру передкладали Мартін Ґылвач, Ян Подманіцькый і Любомір Петрак із владной партії SMER-SD.
(TASR)