День нарцісів, протягом котрого ся каждый рік одбывать збірка на поміч онколоґічным паціентам, ся тот рік одбуде в награднім термінї. Ліґа проти раковинї (ЛПР) орґанізує 31. юла День нарцісів шпеціал, протягом котрого але не буде мож стрїтити добровольників в уліцях. Приспіти онколоґічным паціентам а достати нарціс буде можне у сїтях обходів з потравинами і дроґерії, з котрыма ся ЛПР договорила на сполупраці. Дале то будуть побочкы Словацькой шпорітельнї а приспіти ся буде дати і посередницьтвом банкоматів, дарцовской СМС ці переводом на конто. На четверёвій конференції то повіла выконна директорка Ліґы проти раковинї Ева Ковачова. День нарцісів мав быти первісно 16. апріля, але про пандемію нового коронавірусу ся не міг одбыти.

(TASR, Шутіова)