Влада войновой Словацькой републикы  (1939 – 1945) выдала перед 83 роками приказ о правнім поставліню Жыдів, знамый як Жыдовскый кодекс. Приказ быв результатом правных предпісів о сполоченьскій, економічній і жытельскій деґрадації Жыдів, котра выкулміновала до їх депортації до націстічных концетрачных лаґерів. Першый транспорт словацькых Жыдів выправили із желізничной станіці в Попраді 25-го марца 1942-го року. Жыдовскый кодекс, котрый быв заложеный на расовім огранічіню приналежности к жыдовству, выдала влада войновой Словацькой републикы 9-го септембра 1941-го року. Была то найрозсягліша правна норма публікована в рокох 1939-1945. Сейм і презідент повірили владу на таке діяня уж в септембрі 1940-го року уставным законом. (TASR, Pkf)