Денны стаціонарі порушують закон. Одкрыв то моніторінґ міністерства праці. Meджі главныма порушінями закона є фальшованя приходів, недотримованя просторовых, гіґєнічных і персоналных капаціт ці забезпека стравованя. Дакотрым стаціонарам грозить заставліня присуну фінанцій і вымазаня з реґістра додавателів соціалной службы. Контроля міністерства зреалізовала того року 135 навщів у 121 денных стаціонарах. Заміряли ся головно на выходну Словакію. Векшына з них не сповнять потребу безбарьєровости, што контроля поважує за основный проблем, бо то суть заряджіня про особы, котры суть одказаны на поміч іншых людей. Подля слов штатного тайомника резорту праці Браніслава Ондруша, аж 90 % контрольованых стаціонарів не дотримує закон.
(Анна Кузмякова)