Ідеалным дарунком про вшыткы жены і дївкы на Меджінародный день жен є реалізація конкретных кроків на злїпшіня їх жывотів і безпеча. З нагоды днешнёго свята то уводить Інштітут про дослїджованя роботы і родины (ІДРР). Зарівно ся припаять ку тогорочній вызві ОСН ку МДЖ – Інвестуйте до жен: ускорте покрок. Інштітут вызывать компетентных у верейнім і пріватнім секторї, жебы сформуловали і зачали повнити конкретны завязкы про злїпшіня поставлїня, рівности і безпеча жен в сполочности. ,,Інвестованя до справодливого заобходжаня зо женами проспівать цїлїй сполочности,“ упозорнила Віера Ботхер, манажерка комунікації Коордіначно-методічного центра про превенцію насиля на женах ІДРР.

(TASR, Шутіова)