Подля дочасно повіреного премєра Едуарда Геґера є ключом ку демокрації слобода новинарів, зато поважує за потрібне, жебы політіци ці іншы публічны особы при своїх публічных высловах памятали, же впливають на то, як будуть новинарі сприниманы і ці будуть в безпечу або в огрожіню. Геґер апеловав так само на конштруктівну взаємну комунікацію. Довіру до одповідных медій треба подля нього посилньовати і з оглядом на грозьбу дезінформацій. Повів то з нагоды пятой річніці убитя новинаря Яна Куцяка і Мартіны Кушніровой. Їх памяти оддав честь повіренй премєр вєдно з дочасно повіреным міністром жывотного оточіня Яном Будайом, повіренов міністерков културы Наталійов Мілановов і председом парламентного медіалного выбору Крістіаном Чековскым при памятнику на Намістю СНП в Братіславі.

(Медвідь, TASR)