Піднятя доставірности поліції є головнов пріорітов кандідата на поліцайного презідента Штефана Гамрана, котрый моментално веде поліцію на основі дочасного повіріня. Апелує і на незалежность поліцайных функціонарів, ці потребу затрактівнити тоту професію. Єднако хоче робити і на ліпшій інформованости гражданів. Повів то на понедільковім выслухованю перед Выбором Народной рады Словацькой републікы про оборону і безпечность, котрый го на позіцію поліцайного презідента вчера рекомендовав. Презідентом бы Гамран міг стати 1-го апріля. Міністер внутрішніх справ Роман Мікулец о тім інформовав такой вчера. Про партію Hlas-SD Гамран не є добрым кандідатом на поліцайного презідента, партія в нім не видить авторіту, котра бы могла быти про решту поліцайтів взором.

(Медвідь, TASR)