Стредословацька водареньска превадзкова сполочность (StVPS) у звязку з літнім періодом жадать публіку о обмеджіня хоснуваня питной воды на іншы цілі. Жадости были засланы ціліково 45 селам на середній Словакії. Про пресаґентуру TASR то увела діректорка маркетінґу і комунікації Славоміра Воґелова. Водарі жытелів жадають, абы в часі літніх місяців обмеджіли хоснуваня питной воды на іншы цілі, і то наприклад на заливаня загород, умываня авт ці наповнюваня базенів. Жадость є подля спомянутых водарів потрібе реалізувати з причіны поклесу  выдатности водареньскых джерел і з тым повязаных проблемів з выробов і додавков питной воды. (TASR, Pkf)