Платовы таріфы робітників в штатній і верейній службі ся од будучого рока збівшать о 10 % і так само то буде і в року 2020. Выпливать то з колектівных договорів вышшого ступіня, котры вчера были підписаны на Уряді влады СР. Председа найвекшой коалічной партії Смер-СД Роберт Фіцо підкреслив, же заробіткы ся звышать нелем урядникам, але і пожарникам, водителям локомотівы і дальшым робітникам. Віцепрезідентка Конфедерації одборовых союзів Моніка Углерова згодно высловила спокійність з підписаням договорів. Інформувала, же в штатнім розрахунку суть фінанції на выкрытя звышеных заробітків. Гроші на звышіня заробітків бы мали быти дістрібуованы каждому заместнавательові. Як далі повіла, „позераючі ся на договор і вычленіня грошей з бютжету, бы ся немало стати, же заместнавателі будуть коротити одміны.“
(TASR)