В Шагах вчера славностні поклопкали основный камінь нового выробного заводу ЗФ за участі представителів самосправы і сполочности ЗФ Словакія. Як про Прес-аґентуру Словацькой републикы повів пріматор міста Штефан Ґреґор, завод бы мав на основі плану зачать с выробов 1 марця 2018 року, причім в нім найде роботу 400 людей. Першых 150 робітників ся уж в сучасности заучує в ексістуючім заводі в Левіціах а паралелні с тым проходить набор дальшых новых людей. Про концерн ЗФ на Словакії робить бівше як 2000 робітників і досягує оберненя у вышкі скоро 320 міліонів евр. В сучасности мать три выробны заводы в містах Трнава і Левіце. Є світовым технолоґічным лідром в техникі погынання і автомобіловых рамів і в області пасивной і активной безпечностной технікы.
(Петро Кімак-Фейко)