На уліцях Словакії ся днесь одбывать збірка День нарцісів, напрямена на поміч паціентім з раковинов. Прыспівком любовольной сумы до покладнічкы добровольникам а прыпнутём жовтого нарцісу можуть люде протягом 29. рочника той верейной збіркы выразити солідаріту з онколоґічныма паціентами. TASR o тім інформовала манажерка Ліґы проти раковинї, орґанізаторка подїї, Яна Алексова. Ліґа припомянула, же на Словакії рочнї прыбуде приближно 40.000 онколоґічных паціентів. Подля выконной директоркы ліґы Евы Ковачовой є День нарцісів не лем фінанчна збірка, але і простор на одовздаваня посолтва про молоду ґенерацію добровольників, же поміч патрить ку чоловіку. Збірка ся одбывать не лем в уліцях Словакії, але і у партнерів ліґы. Прыспіти ся дать і на конто збіркы або формов СМС. Веце інформацій о збірцї є на вебовім сайті www.dennarcisov.sk .

(TASR, Шутіова)