Тяжіня угля ся в Европскій унії дотулять 41 реґіонів в 12 членскых штатів. Повів то про Пресову аґентуру Словацькой републикы шеф Міністерства господарства СР Петро Жіґа. Прямо в даных реґіонах є на основі його слов заместнаных коло 185.000 обывателів ЕУ. “Є потрібно повісти, же тот вопрос є нелем проблемом Словакії. Як ЕУ говорить о тім, же хочеме мати безугликове господарство і голосиме ся ку кліматичным цільом, так єдным з условій того є, абы сме поступово гамували баництво,“ підкреслив Жіґа. Як далі увів, вызначно то засягне на Словакії єден реґіон, а то горну Нітру, де прямо в банях мать роботу 4000 людей, причім овпливненых з причины гамуваня баництва бы могло быти аж 12.000 людей.
(TASR)