Словакія буде мати од посліднього дня по 13 рокох нового благославеного. В суботу о 10:30 годині ся в ареалі Костела Святой родины в Братіславі – Петржалкі зачне головна часть канонізації словацького салезіяна – священика Тітуса Земана, котрый быв за комунізму пронаслідуваный і вмер на наслідкы мучіня і арештованя в 1969 року. В рамках понтіфікалного святого богослужіня ся одбуде окремый обряд канонізації. Головным целебрантом на понтіфікалній богослужбі буде кардінал Анджело Амато, притомный буде і головный представеный монашского здружіня Салезіянів дон Боска дон Анджел Фернандез Артіме, тыж словенскый кардінал Йозеф Томко і многы словенскы і заграничны єпіскопы. Вікенд канонізації ся зачинать завтра, в пятницю вечірньов молитвенов віґілійов в Катедралі святого Мартіна.
(Петро Кімак-Фейко)