Шпеціалізованый трестный суд в Пезінку вчера одсудив на довгорочны тресты однятя слободы бывалых міністрів выставбы і реґіоналного розвоя Словацькой републикы за Словацьку народну партію Маріяна Й. і Іґора Ш. Звышных трьох обжалованых спід обжалобы ослободили. Бывалому міністрові выставбы Маріянові Й. суд уложыв трест взаття слободы в довжкі 12 років, піняжный трест у вышкі 30.000 евр і трест заказу чінності выконавати роботу в орґанох общостной міци на час 5 років. Його наступникові на функції міністра Іґорові Ш. трест взаття слободы в довжкі тырваня 9 років, піняжный трест 30.000 евр і трест заказу чінності выконавати роботу в орґанох общостной міци на 5 років.
(Петро Кімак-фейко)