Поліція в Кошыцькім краю попереджує на комплікації на драгах  з причіны сніжіня і потребу звышеной осторожности.  Словеньска справа доріг (SSC) інформувала, же в окресох Спішска Нова Вес, Ґелніца і Кошыці-околіе є з причіны сілного сніжіня і вітра выголосеный каламітный ступінь. Скоро на цілій выходній Словакії ся творять сніговы языкы і завеї снігу. Драгы в Кошыцькім краю суть переходныма, але місцями ся на драгах находять верствы снігу.  (TASR, Pkf)