Вовна як унікатный матеріал на практічне і естетічне вывжытя є предметом выставы з назвов Вовнїня, котру отворили у четверь в Новоградьскім музею і ґалерії в Лученцї. Выстава ся одбывать в сполупраці із Централов народной умелецькой выробы а іде уж о єй третю репрізу. Премєра была в роцї 2017 в Братїславі а репрізы в Кошыцях і польскім Тешінї. ,,Выстава через інтерєровы додаткы ці части облечіня одгалить різны технікы оброблїня вовны, як напр. ґубарьство, сукенницьтво, тканя, вышываня i інше,“ увела про TASR етноґрафка музея Міхаела Шкодова. Выстава буде в Новоградьскім музею і ґалерії приступна до 15. марца 2020.

                                                                                                           (Шутіова, TASR)