Словацькы гражданы можуть в европскых країнах телефоновати і хосновати дата мінімално далшых десять років за домашні ціны. Припомянув то вчера міністер загранічных діл і европскых справ Іван Корчок. Ровмінґ за домашні ціны мав скінчіти в юні. За словами Корчока членство в Европскій унії словацькым гражданам приносить много барз конкретных выгод. Єднов є і телефонованя а датованя в загранічу за домашні ціны. Міністер є радый, же членьскы державы доїднали ся на продовжіню европского ровмінґу за домашні ціны мінімално до року 2032, а то іщі з ліпшыма условіями. Нове наряджіня о ровмінґу платне од 1-го юла окрім іншого запроваджать право хоснователя на єднаку якость мобілного інтернету в загранічу як дома.

(Медвідь, ТASR)