Днесь ся в Комарні стрітли словацькый премєрь Роберт Фіцо, серьбскый презідент Александер Вучіч і председа влады Мадярьска Віктор Орбан. Діскутують о нелеґалній міґрації, охрані вонкайшых границь Европской унії ці посильнюваню реґіоналной сполупраці. Частьов делеґації суть і міністры внутра споминных країн. Інформувала о тім пресаґентура TASR.  Лідры будуть в Комарні їднати і о іноватівных рішінях на заставліня нелеґалной міґрації до Европы. Уряд влады СР планує, же рішеням бы могли быти екстерны центра, такзваны hotspoty на спрацюваня жадости о азіл мімо теріторії Европской унії. Поуказав на то, же їх в сучасности аплікує до праксі наприклад Італія в сполупраці з Албанійов.(TASR, Pkf)