До дому забитого новинаря Яна Куцяка і його партнеркы Мартіны Кушніровой у Великій Мачі ся вчера підвечур вернули поліцайты. На основі порталу Топкы.ск там буде реконштрукція їх вражды. „В карнім слідованю ся зроблять крокы, котры не будеме шпеціфіковати, ани ся о них детайлно высловльовати,“ увела говоркыня Уряду шпеціалной прокуратуры Яна Тыкылійова. Реконштрукція, котра є орґанізачно і фінанчно складна, ся не робить при каждім обясньованю вражды, але покы собі то выжадує досліджованя, так ся зробить, приближыв про аґентуру ТАSR доцент трестного права і высокошкольскый педаґоґ Петер Ковач. На основі його слов ся на місці перевірюють факторы трестного акту, можливый рух обвиненых і інформації з выповідей.
(TASR)

Фото: TASR