В Братіславі в понедільок проти кроків Міністерства културы СР протестовали тісячі людей. Протест орґанізовала гражданьска платформа Otvorená kultúra з далшыма културныма орґанізаціями. Орґанізаторы одгадли кількость людей на 9000. Протест быв скликаный по одкликаню директора Словацького народного театру Матєя Дырлічкы і директоркы Словацькой народной ґалерії Александры Кусой. Меджі пожадавкы орґанізаторів належыть одступліня або одкликаня міністеркы културы Мартіны Шімковічовой і ґенералного секретаря служебного уряду міністерства Лукаша Махалы, і оправліня хыв, котры на міністерстві подля орґанізаторів зробили. Подія почала перед Словацькым народным театром і скінчіла демонштраційов перед будовов Міністерства културы.

(Медвідь, TASR)