Віктор Стромчек одыйшов з функції ґенералного манажера Smeru-SD лем прото, бо знав, же будуть опублікованы його СМС справы з подникательом Маріяном К., котрый є обвиненый з обєднавкы вбитя Яна Куцяка. Твердить то председа руху OĽaNO Іґор Матовіч. Сконштатував, же по такых справах, котры были опублікованы, бы го всяды інде у світі кажда політична партія пожадала, абы з ньой одыйшов. Smeru-SD бы мав за словами Матовіча ґарантовати, же „кажде єдно евро“, котре перейшло через Стромчекову руку, буде перевірене, і в припаді, як буде його маєток вышшый як приймы, буде сконфішкованый штатом. Єдночасно вызвав ґенералного прокуратора, абы зачав з урядной мочі діяти і перевірив Стромчековы маєткы. (ТАСР, Пкф)