Высокы школы будуть мочі здобыти фінанції на модернізацію, розшырїня ці взник сімулачных центер. Про TASR то увів штатный таёмник резорту школства Роберт Зембера. Сімулачны центра служать на приправу будучіх докторів на реалну пракс, вытваряня сімулації практічных проблемів медіціны а забезпечують безпечну старостливость паціентів. Сконштатовала то предностка Інштітуту медіціньского навчаня і сімулацій Лїкарьской факулты Універзіты Коменьского Сілвіа Гніліцова в рамках четверёвой конференції на факултї. Міністерство школства, баданя, розвитку і молодежі СР планує подля Земберу на осїнь того рока выголосити вызву напрямену на іновацію здравотницькых штудійных проґрамів з алокаціёв веце як 50 міліонів евр. З того выходить і взник, розшырїня ці модернізація сімулачных центер.

(TASR, Шутіова)