У формуларі про списованя жытелів зістане і вопрос, котрый дотулять другой народности. Інформовав о тім в понедільок Штатістічный уряд Словацькой републікы. Уряд вырішыв о тім в день, в котрім мав скінчіти меджірезортный припомінковый процес ку пропозіції опатріня, котрым 29-го януара пропоновав выпустити з формуларя другый вопрос о народности. „Припомінковый процес вказав, же того часу платный концепт списованя народностей не мож в так короткім часі перед терміном списованя змінити. Зато Штатістічный уряд СР реаґує на передложены припомінкы і на короткость часу і стягує пропозіцію,“ інформовав председа уряду Александер Баллек. Выповнити другый вопрос о народности не є повинне. Люди собі і в тім списованю можуть вызначіти лем єдну народность.

(Медвідь, TASR)