Покля бы вольбы до Народной рады Словацькой републікы проходили на переломі юна і юла, выграла бы їх партія Smer-SD, котра бы здобыла 25,2 процента голосів. На другім місці бы скінчів рух Progresívne Slovensko, за котрый бы голосовало 22,3 процента людей. За ним наслідує партія Hlas-SD, котрій высловило підпору 13,5 процента респондентів. До парламенту бы ся дістало 6 політічных субєктів, выходить то з баданя аґентуры Ipsos про Denník N. На четвертім місці бы быв рух Republika, котрому бы дало голос 6,8 процента людей, рух KDH бы мав підпору 6,3 процента. Лібералы із SaS бы здобыли 6,1 процента голосів. Решта політічных субєктів бы не здобыла потрібных 5 процент про вступ до парламенту. Владну партію SNS бы підтримало лем 3,1 процента воличів. Участь на вольбах бы подля баданя была на уровни 58 процент.

(Медвідь, TASR)