Вольбы до Народной рады Словацькой републікы бы в авґусті выграла партія Smer-SD із 23,6 процентами голосів. На другім місці бы быв рух Progresívne Slovensko з підпоров 22 процент голосуючіх. За ним бы наслідовала партія Hlas-SD, яка бы здобылиа 15,9 процента голосів. Выходить то із баданя аґентуры AKO про телевізію Joj 24. До парламенту бы ся дістали іщі KDH із 6,9 процентами, ліберална SaS із 6,2 процентами, а рух Republika, котрому бы дало голос 5,2 процента голосуючіх. Перед бранами парламенту бы зістала націоналістічна SNS із 4,9 процентами, за ньов наслідує партія Demokrati із 4,5 процентами, коаліція руху Slovensko, Kresťanská únia і Za ľudí із 3,6 процентами, Magyar Szövetség – Maďarská aliancia із 3,4 процентами і рух Sme rodina, котрый бы підпорило 2,7 процента голосуючіх. Решта політічных субєктів дістала підпору під єдным процентом.

(Медвідь, TASR)