Парламентны вольбы бы в місяці май выграла партія Smer-SD із 21,8 процентами голосів. Другый бы скінчів рух Progresívne Slovensko з підпоров 20,8 процента воличів. За ним бы наслівоала партія Hlas-SD, котрій бы дало голос 17,2 процента людей. Выходить то з баданя аґентуры AKO про телевізію Joj 24. До парламенту бы іщі перешли KDH із 7,3 процентами, як і SaS, котру бы підтримало 6,7 процента голосуючіх. Потрібну граніцю бы тісно перекрочіла і SNS, котрій бы дало голос 5,2 процента людей, а рух Republika, котрый мав у баданю підпору на уровни 5,1 процента. Перед бранами Народной рады бы зістала коаліція рух Slovensko, Za ľudí і Kresťanská únia. Коаліція бы здобыла 4,7 процента, но як коаліція трьох субєктів бы потребовала мінімално 7 процент. До парламенту бы ся не дістала ани Aliancia із 3,9 процентами, Demokrati із 3,6 процентами ці рух Sme rodina, якому бы дало голос 3,1 процента людей. Решта політічных субєктів бы скінчіла під єдным процентом підпоры.

(Медвідь, TASR)