Подля председничкы владной партії Za ľudí Веронікы Ремішовой є нерпипустне насилство, котре білоруськый режім хоснує проти властных гражданів. Їй партія просаджує цілены санкції на конкретны особы, котры роблять насилство, а так само позітівну поміч і підпору про гражданів Білоросії, наприклад у формі штіпендій про штудентів. Позіцію односно Білоросії і поступ Словакії влада оголосить по своїм їднаню в середу, інформовав премєр Іґор Матовіч на понедільковій пресконференції. Премєр має брати в середу участь і на відеоконференції председів влад, припадно презідентів, вшыткых членьскых держав Европской унії, котра має быти о сітуації в Білоросії.

(Медвідь, TASR)