Словакія сі зобрала за ціль, же до 2020 року выманить найменше 170.000 людей з різіка худобы або соціалного вылучіня. Даный народный ціль є в сучасности наповненый уж на 95,6 процентів. В пропозиції актуалізованой Народной рамцовой стратеґії підпоры соціалного зачленіня і боя проти худобі, о котрій вчера дискутовала влада, то уваджать міністер праці Ян Ріхтер. З посліднього дослідженя є на основі Ріхтера зявне, же ся подарило з різіка худобы або соціалного вылучіня выманити 161.000 людей. З другого боку Словакія боює з барз выграненыма формами худобы і соціалного вылучіня в припаді дакотрых ґруп і єднотливців, с великыма реґіоналныма діспарітами і штруктуралныма проблемами на торгу праці, доповнює. Міра різіка худобы або соціалного вылучіня є на Словакії під середньов уровньов Европской унії. В 2016 року досягла уровень 18,1 процентів, причім середня уровень за цілу Европску унію в 2015 року представовала 23,8 процентів.
(Петро Кімак-Фейко)