Председове коалічных партій Роберт Фіцо, Матуш Шутай Ешток і Андрей Данко вчера вєдно з міністрами Ладіславом Каменицькым, Томашом Друкером і Томашом Тарабом представили на пресконференції консолідачный паклик 17-ох кроків, котры мають в слідуючім році ушпорити 2,7 міліарды евр, кедьже Словакія має найгіршый стан публічных фінанцій в рамках Европской унії. Головным кроком є піднятя дани з приданой вартости з 20 на 23 процент. Вынятком будуть потравины і електрична енерґія, де буде тота дань на уровни 19-ох процент. Основны протравины, котры уж теперь мають дань з приданой вартости 10 процент, будуть мати по новому дань на уровни 5-ох процент, в тій уровни будуть і службы уквательованя. Лем піднятя дани з приданой вартости має до державной касы принести веце як міліарду евр. Запроваджать ся веце новых одводів, змінить ся родічовска пензія, котра буде лем формов асіґнації з дани, дорогшы будуть і автострады. Міністер фінанцій Каменицькый повів, же добры рішіня минають ся, і в далшых роках можуть быти консолідачны крокы іщі твердшы.

(Медвідь, TASR)