Кандидатами на судцю Европского суду про людьскы права  (ESĽP) за Словацьку републику суть Даніела Єжова, Ондрей Лаціак і Радослав Прохазка. Їх кандідатуру на пропозицію Судной рады СР  днесь одобрила влада. Лаціака запропонувала Словацька адвокатьска комора (SAK), Здружіня судців Словакії ї Нотарьска комора СР. Прохазку, котрый в минулості діяв і як заступця СР перед судми Европской унії, тыж запропонувала SAK і  Здружіня судців Словакії. Єжову запропонувала председничка Судной рады СР Марцела Косова. Єжова днесь діє як адвокатка зо скусеностями при рішіню меджінародных правных вопросів і вопросів Европской унії. Парламентна асамблея Рады Европы мать волити нового судцю ESĽP за Словакію зо списку трьох кандідатів предложеных словацькым владным кабінетом. Мандат днешньой словацькой судкыні ESĽP Алены Полачковой скінчить 28-го децембра 2024-го року. (TASR, Pkf)