Влада одобрила веце як 1,5 міліона евр на проєкты сел і міст окресів Малацкы, Пезінок і іншых правницькых особ. Уробила так днесь на своїм выяздовім засіданю в Модре. Міністерство културы СР наприклад мать подля матерялу в сполупраці зо Словацькым народным музейом зачати процес верейного обстараваня на реконштрукцію Музея Людовіта Штура, і то у вышці 2,8 міліона евр. Влада про Модру выділила і 170.000 евр на выпрацюваня штудії і проєктовой документації про проєкт ‟Обновліня місця постріліня Людовіта Штура‟. Дальшых 122.000 евр піде про Модру на выпрацюваня штудії і проєктовой документації про выбудованя пішника на цінтерї ку памятнику і гробу Людовіта Штура. (TASR, Pkf)