На днесь пополідне є оголошене засіданя влады Словацькой републікы. Тот тыждень бы мала влада схвалити своє проґрамове выголошіня. Передложыти бы го мав премєр Іґор Матовіч. Як інформовало пресове одділіня Уряду влады, стати бы ся то могло вже днесь. Парламент бы о нім міг голосовати кінцьом тыждня або зачатком слідуючого. Окремы резорты мали приготовити свої пріоріты на слідуючій волебный період, котры хотять мати в проґрамовім выголошіню. Міністер обороны Ярослав Надь у четверь повів, же матеріалы ся вже зачали консолідовати до сполочного выголошіня. Влада мусить по схваліню свого проґрамового выголошіня прийти перед Народну раду Словацькой републікы, передложыти свій проґрам і пожадати о высловліня довіры. Кабінет то мусить зробити подля Конштітуції Словацькой републікы до 30-ох днів по своїм выменованю, котре одбыло ся 21-го марца.

(Медвідь, TASR)