Будуча історічні перша презідентка Словакії Зузана Чапутова мать день по своїм зволіню передовшыткым чутя одповідности. В ехклузивнім інтервію про Чеську телевізію тыж в неділю повіла, же ся буде снажыти ословити і тых жытелів Словакії, котры ю неволили. Єдночасно ся буде за своїма словами снажыти о правдиву і коректну політику. Чапутова в інтервію окрім іншого увела, же своє зволіня чує як мандат, котрый є в тім періоді на Словакії барз важный, і чує головно одповідність. Будуча словацька презідентка тыж выголосила, же Роберта Фіца бы знову призначіла за премьєра, як бы мав в парламенті векшыну. За уставного судцу го шак непризначіть, доповнила Чапутова. (TASR, Pkf)