Словацька пошта до свого емісного плану поштовых марок на 2018-ый рік дала і выданя маркы, на котрій буде ікона Краснобрідьской Богородіці. Поштова марка бы мала быти офіціално выдана 19-го октобра. За доступныма інфомраціями буде марка з Краснобрідьсков Богородіцьов мати чісло емісії 671. Номінална вартость маркы буде 1,40 €. Розміры будуть 44,4 на 54,4 мм і на єднім листі будуть 4 маркы. Выданых буде 80 тісяч фалатків. Маркы будуть друкованы техніков оцільового друку на плоскім полотні в комбінації із офсетом. Ікона із стародавного Краснобрідьского монастыря, котрый находить ся недалеко міста Меджілабірці, буде выдана в рамках едіції Уменя.
(TASR)