Міністер загранічных дїл СР Юрай Бланарь пожадав Іспанію о можность доданя сістемы противоздушной обраны на теріторії СР на основі ротачной сістемы, покы сі Словакія незабезпечіть властну охрану воздушного простору. Бланарь то ознамив у четверь на соціалній сїтї Фейсбук по білатералнім рокованю з іспаньскым міністром Хосем Мануелом Албаресом в Бруселї, де ся одбыло засїданя міністрїв загранічным дїл держав NATO. Албарес подля ёго слов тоту думку політічно підпорив а буде о нєй дале комуніковати з представітелями іспаньской влады. Шеф іспаньской діпломації зарівно позвав Бланаря на офіціалну навщіву Мадріду. Договорили ся, же ся одбуде зачатком юна.

(TASR, Шутіова)