Безробітность на Словакії в місяці юл наросла в порівнаню із юном. Меджірічно знижыла ся о 1,23 процентуалного пункту. Выходить то із найновіше публікованых даных Центру роботы, соціалных справ і родины, о котрых вчера інформовав його директор Маріян Валентовіч. „В місяці юл евідована безробітность досягла 5,47 процента што предствльовало меджімісячні в порівнаню із попереднім місяцьом нароснутя о 0,04 процентуалного пункту. В абсолутнім выражіню то значіть 150 267 діспонібілных безробітных в евіденції урядів роботы,“ повів на пресконференції Валентовіч. Подля державного секретаря резорту роботы Браніслава Ондруша быв вывой безробітности в юлі тіпічным пор літній період. Міністерство ся за словами Ондруша дале хоче концентровати на роботу з безробітныма на урядах роботы з тым, же суть приготовлены проєкты головно на гляданя роботы про молодых людей.
(Медвідь, TASR)