Археолоґічный інштітут Словацькой академії наук в Нїтрї представив у четверь в рамках Дня отвореных дверей найновшы резултаты свого баданя і методы научной роботы і актівіт своїх робитніків. Тогорічный день отовреных дверей в рамках Тыждня наукы і технікы, быв присвяченый презентації матеріалів, котры в минулости люде вывжывали при будованю хыж і выробі різных предметів. Презентація была заміряна переважнї на три основны матеріалы, котры науковці при своїх сондажах найчастїше находять – глина, камінь і ков. Презентованы были і на 3D друкарнї выдрукованы укажкы зреконштруованых ставеб з різных періодів. Як пояснює директор Археолоґічного інштітуту Матєй Рутткай: „Хочеме, жебы сі дїти усвідомили, же кедь хтось хотїв поставити хыжу з глины або опевніня, мусїв на то выхосновати даякый матеріал. Окрем того, їм указуємє і то, же кедь даяка хыжа поставлена з глины і дерева в минулости згорїла, нам по нїй зістав лем фалаток спаленой глины. Но дякуючі нёй знаєме зробити реконштрукцію, як тота ставба могла вызерати, ці як ся ставляла. Затоже в тій спаленій глинї зістало обтиснутых і захопленых тілько детайлів, же знаєме зістити, якым способом были споёваны дерева, як была вытворёвана конштрукція хыжы а тоты технолоґії будованя потім знаєме реконштруовати.“
(TASR, Цітрякова)
Фото: TASR