Міністерка здравотницьтва Андрея Калавска понукла премєрові Петрові Пеллеґрініму свою функцію. Інформувала о тім в середу по тім, як влада стягла пропозицію реформы шпиталів, тзв. стратіфікацію, з їднаня парламенту. Вердікт на тот крок пояснила тым, же місце міністра здравотницьтва належыть Smeru-SD, і кедьже мать з партійов „ідеовы незгоды“ в області предкладаных законів, поважує за слушне зробити тот крок. Як далі Калавска конкретізувала, „Smer-SD собі мене выбрав як одборника і як неє з мойов роботов спокійный, я барз рада тоту функцію понукам,“. Премєр Пеллеґріні є пересвідченый о тім, же міністерка здравотницьтва Калавска, бы мала быти і надалей у функції. Вшытко але залежыть од днешньой стрічі премєра і міністеркы здравотницьтва. (TASR, Pkf)