Презідент СР Андрей Кіска на вчерайшім засіданю з коалічныма лідрами согласив з пропозиційов, же нового председу влады буде по абдикації Роберта Фіца номінувати партія Смер-СД. Новинарям то повів шеф Моста-Гід Бела Буґар. „Одночасно, абы небыли похыбности, будуча нова влада мусить мати бівшу часть в парламенті. То, абы нового премєра номінував якраз Смер-СД, є єдным з условій Фіцовой абдикації. Дальшы дві суть, же Кіска буде решпектовати коалічный договор трьох партій і решпектовати выслідкы парламентных вольб з року 2016, на основі котрых мать днешня влада ефектівну бівшість.
(TASR)