Бывшый презідент СР Андрей Кіска поважує заставлїня додаваня охранкы за протизаконне а ретроактівне. Потвырдило то подля нёго веце правників. Протягом выкону свого мандату достав множество выгражок а ёго охранка рїшыла многы припады, кедь на нёго были рїзны атакы. Кіска то увів на соціалній сїтї. ,, Словацька поліція днесь не докаже забезпечіти на денній базї безпечность людей, котры не суть експонованы особы. На котры денно Роберт Фіцо не атакує. Вірю зато, же поліція забезпечіть мою охрану а охрану моёй родины а не прийде ку траґедії. Кедь ку дачому дойде, буде пізно говорити о тім, што могла поліція зробити лїпше а кто є на винї,” думать сі Кіска. Додав, же аґресівіта людей росне а влада сполочность все веце роздїлює.

(TASR, Шутіова)