Колишній презідент Андрей Кіска бы нехотів од штату брати два заробіткы. Як бы ся дашто таке стало, гроші бы роздав родинам в нуджі так, як роздавав свій президентскый заробіток. Выпливать то з його высловліня на соціалній сіті, котрым реаґував на задум посланця Народной рады СР Петра Кресака огранічити колишнім презідентам в іншых уставных функціях їх презідентьскы выгоды. Кіска тыж увів, же охранку собі невыбрав і коаліця бы немусіла законом рішыти ословіня колишніх презідентів. „Пана Кресака і владну коаліцію бы мало трапити здравотницьтво, бой против корупції, школство і многы дальшы іншы справы, котры траплять міліоны нашых обывателів,“ повів. (TASR, Пкф)