Словацькый презідент Андрей Кіска неє згодный зо вшыткыма думкамі, котры были повіджены у вчерайшім выступліню америцького презідента Доналда Трампа на засідані Ґенералной асамблеї Орґанізації споєных народів в Ню Йорку. Як підкреслив, зо знамым геслом шефа Білого дому „Америка фірст“ ся непогоджує, кідьже наприклад поставлїня Словакії зміцнює якраз членство в Европскій унії. Як далі повів, „ І тот рік то было выстулїня, котре сі жадать барз глубоку аналізу, протоже прозвучало много закликів. В єднім, з котрым неможу быти согласный з презідентом Трампом, є такый тот народный еґоізмуз – Америка Фірст. Мы, Словакія, як барз успішна країна, видиме, же сьме барз успішны завдякы тому, же сьме частьов Европской унії. Єднотный торг нам вытворять многочісленны можности росту, і тому сьме вдячны за много, і прото говорити днесь о народнім еґоізмі я собі недумам, же є то правильно.“
(Кімак, ТАSR)
Фото: TASR/AP